Skip to main content
Tangata · Researcher

Te Mihinga Komen

<span class=Te Mihinga Komen " loading="lazy" decoding="async">

Kairangahau Matua

Neke atu i te 25 tau kua whakaako a Te Mihinga i te reo Māori me ngōna tikanga, kōhungahunga mai, pakeke mai, puta i ngā tūmomo akomanga katoa. Hei tāna, “Ko tōku reo tōku oranga.” Kātahi anō ia ka wehe i tōna tūranga hei Pou Ārahi i academyEX ki te whai i tana tohu kairangi. I reira, i whakangungua e ia ngōna hoamahi me ngāna ākonga ki ngā tini āhuatanga o tōna ao Māori, arā, ko te reo Māori, tikanga, karakia, waiata, ngā āhuatanga o te Kaupapa Māori, hautūtanga Māori, mātauranga Māori me te whakaako i te tauira Māori i te kura. Nāna hoki i kōkiri Te Ara Kōtihi, te rautaki ako o te kamupene whānui. He kaiārahi hoki ia mō ngā ākonga tohu paerua Māori. Nō mua mai, he kaihuawaere a Te Mihinga i Tātai Aho Rau, CORE Education. Nō konā, i huakina ai te tatau ki ngā rawenga o te hangarau matihiko. He whakangungu kaiako kura Māori te mahi kia taea e rātou te whakaako mā ngā pūrere matihiko hou. I tīmata hoki a Te Mihinga ki te whakamāori i ngā kupu hangarau matihiko hou kia toitū tonu te reo i ngā kura. Ko te tārai rauemi ako mō ngā kura Māori hoki tana mahi i reira. I ākona e ia ngā pūkenga whakaputa rauemi nōna i Huia Publishers hei ringa tārai rauemi. Hāunga atu, ko ngāna mahi ngaio i roto i ngā tau, he kaiwhakaari, he kaipapāho, he kaiwhakamāori, he kaituhi, he kaiarotake hōtaka, he kaiwhakamahere rautaki reo mō Kotahi Mano Kāika anō hoki.

Rangahau · Related projects

Research Programme

25-28RP03Activating Māori Research Data Sovereignty in universities
Kaiārahi · Project lead Dr. Kiri West
Whare wānanga · Host Te Wānanga o Aotearoa
Matakitenga · Framework
Wā rangahau · Timeline Commenced 2025

Universities in Aotearoa hold a vast, largely unmapped, collection of Māori data. With that, these institutions are in positions of power to control the ways in which Māori data is collected, stored, accessed and used, often without meaningful involvement from Māori communities. Organised across three objectives, this project explores how Māori data…

View project

Ētahi atu · Other people